Válggat 2017

Dál ánuha Davvi Dearvvašvuohta sámi áirasa guoktá, Gunn Heatta ja Knut Johnsena, fas máhccat Sámi dearvvašvuođasiida prošektii.

Badjel bealli Norgga studeanttain eai dieđe guđemuš bellodagas lea buoremus oahpahuspolitihkka.

Álttá joatkkaskuvlla oahppit leat vássán skuvlajagi ožžon olu friddjadiimmuid go livččii galgan sámegieloahpahus. Dán skuvlajagi sávvet ášši rievdat.

Mo lea riika juhkkojuvvon válgabiirriide? Guđiid bellodagaid/listtuid sáhttá jienastit gos ge?  Galle áirasa galget válljejuvvot guđege válgabiirres? Mii mearrida áirrasjuogu? Dás gávnnat vástádusaid.

Norgga Sámiid Riikkasearvvi (NSR) listanjunuš lea dolkan go Norgga almmolašvuohta ii nagot váldit sámi psyhkalaš dearvvašvuođa duođas.

Fiettar orohaga ovdaolmmoš Ann Catharina Lango ii jáhke Bargiidbellodaga presideantaevtto­hasa, Ronny Wilhelmsena, bidjat buot návccaid ­vuosttaldit Nussir-ášši jus son šaddá presideantan. – Galggašii gal sáhttit vuordit dan ahte sámi politihkkár ieš maid háliida doarjut áššiid mat gusket sámiid ­rivttiide ja sámi ealáhusaide, lohká Lango.

Mearrasápmelaš Edgar Olsen Unjárggas ­oaivvilda Sámediggi ja politihkkárat fertejit leat duostileappot ja eanet ođđaáigásaččat mearrasámi guolástuspolitihkas.

Eadneolbmuid mielas lea dohkketmeahttun go Romssa joatkkaskuvllaide eai virgáduvvo sámegiel oahpaheaddjit, soai oaivvildeaba ahte gáiddusoahpahus ii doaimma iige movttiidahte nuoraid oahpahallat sámegiela.

Siiddut