Almmuhus

Almmuhus

58 miljovnna eaktodáhtolaš diimmu Norgga valáštallamis jahkái

Govva: Idrettsforbundet/ Eirik Førde

Eaktodáhtolaš valáštallan Norggas ii čađat unnit go 58 miljovnna eaktodáhtolaš diimmu jahkái. Statistihkalaš guovddášdoaimmahat (SSB) árvvoštallá dán barggu 17,3 miljárdda ruvdnon.

Published date: 
Maŋŋebárga, 27 Skábmamánu, 2018 - 17:28
Updated at: 
Ođastuvvon: 28.11.2018 - 08:49
Fáddásánit: 

– Dá leat erenoamáš logut ja čájeha ahte eaktodáhtolašvuohta ja eaktodáhtolašvuoigŋa lea hui buorre Norgga valáštallamis. Norgga valáštallamis leat birrasii 700 000 olbmo geat jagi áŋgiruššet vai juvllat jorret min 11 338 valáštallansearvvis, dadjá valáštallanpresideanta Tom Tvedt preassadieđáhusas.

 

Stuora ekonomalaš árvu

Statistihkalaš guovddášdoaimmahaga satelihttarehketdoalu ideála ja eaktodáhtolaš organisašuvnnaid mielde čađahuvvojit 148 000 eaktodáhtolaš jahkebarggu Norggas, mas 34 100 lea siskkobealde valáštallama.

 

Biddjon ruvnnuide ja evrriide oaivvilda SSB ahte dán barggu árvu lea 17,3 miljárdda ruvnno.

 

Norggas dagaha jahkebargu birrasii 1700 diimmu. 34 100 jahkebarggu dagahit danne 58 miljovnna eaktodáhtolaš diimmu.

På forsiden nå