SÁVVA BEASSAT MIELDE: Vaikko lea ain eahpečielggas, de sávvá Krogh ahte beassá searvat OG:i boahtte jagi. Govven: Arild Krogh

Krogh ii leat vuollánan

Njealji mánu geahčen cáhkkehuvvo fas Olympiadolla, dán háve Pyeongchangas, ja Kroghas lea fas vejolašvuohta geahččalit ollašuhttit OG-niegu.

10:32 Golggotmánu 20. beaivi 2017

Áltálaš Finn Hågen Krogh lea ain offensiiva njeallje mánu ovdal go Olympiagilvvut álget Lulli-Koreas.

Vaikko OG Sotsjis šattai lossa vásáhussan čuoigái, iige beassan ollašuhttit OG-niegu vel dalle, de ii leat son vuollánan.

 

Bargá nu bures go ieš sáhtta

Njealji mánu geahčen cáhkkehuvvo fas OG-dolla, dán háve Pyeongchangas, ja Kroghas lea fas vejolašvuohta geahččalit ollašuhttit OG-niegu.

– Ii goasse gal dieđe, muhto ii leat nu ahte váccán beivviid ja balan ahte in beasa searvat. Jus in beasa, de in leat doarvai falli, nu dat beare lea. Mun geahččalan bargat iežan buoremusa, ja sávan ahte dat doallá, dadjá 27-jahkásaš Altapostenii.

– Maid earát barget, dasa in veaje mun maide. Mun ferten iežan birra jurddašit ja leat nu buorre go ieš sáhtán, lasiha son.

Fáddásánit
Valáštallan

På forsiden nå