OĐĐA OLAHUS: Eai goasse ovdal leat leamaš ná olu joavkkut dieđihuvvon. Vuorkágovva/Aleksey Tsalko

Stuorát go goasse ovdal

23 spábbačiekčanjoavkku galget čiekčat spáppa boahtte vahkkoloahpa.

14:51 Borgemánu 02. beaivi 2017
Ođastuvvon: 03.08.2017 - 08:44

Prosjekt z spábbačiekčanfestivála, mii álga bearjadaga, lágiduvvo viđat geardde dán jagi. Boahtte vahkkoloahpa galget sihke spáppa čiekčat, ja musihka guldalit. Eai ge goasse ovdal leat nu olu joavkkut dieđihuvvon go dán jagi.

 

23 joavkku

Badjel 200 oasseváldi, 23 joavkku, leat mielde. 16 dievdojoavkku ja čieža nissonjoavkku leat dieđihuvvon. Dainna lea festiválahoavda Mathias Sønvisen Moe hui duhtavaš.

 

Konsearta

Lávvordaga loahpahuvvo spábbačiekčan konsearttain Álttá guovddážis. Mugisho ja Chris Holsten guoimmuheaba. Sønvisen Moe váruha bileahtaid vuvdot visot.

 

Altaposten čálii dán ovddemus.

Fáddásánit
Valáštallan
Tags
Prosjekt z

På forsiden nå