SUOHTTASA DIHTE: Čiekčamat leat buohkaide geat háliidit, buohkat sáhttet dieđihit iežaset joavkku miede. Govven: Aleksey Tsalko

«Prosject Z» ávvuda vihtta jagi

«Prosject Z» nammasaš spábbačiekčangilvu lágiduvvo viđat geardde dán geasi, Álttás.

12:51 Miessemánu 16. beaivi 2017

Dán geasi lágiduvvo «Prosject Z» nammasaš spábbačiekčangilvu viđat geardde Álttás. Čiekčamat leat bearjadaga ja lávvordaga, borgemánu 4. ja 5. beaivvi, Coop-šiljus Bossegohpis, Álttás.

 

Juhkkon golmmaoassái

Spábbačiekčanturneringa lea juhkkon golmma oassái. Guokte gilvoluohká, čižeš spábbačiekčan mas leat nissonat vuostálaga, ja dievddut vuostálaga. Goalmmat luohkká lea hárjehallanluohkká, mas lea viđes spábbačiekčan, nissonat ja dievddut searválaga. Čiekčamiin leat dábalaš spábbačiekčannjuolggadusat.

Dál lea juo vejolaš dieđihišgoahtit joavkkuid čiekčamii. Vai galgá beassat mielde, de ferte riegádan 2002:s, dahje ovdal. Muđui sáhttá vaikko man boaris leat beassat searvat.

Eambbo suohttasat

Earret spábbačiekčamiid, de doppe leat vel iešguđetlágan gilvvut mánáide, kultuvrralaš ovdanbuktimat, kafea ja lávvordateahkeda vel feasta. Artisttat almmuhuvvojit áiggi mielde, muhto lohpidit dál juo ahte Chris Holsten boahtá.

 

Fáddásánit
Valáštallan

På forsiden nå