MAŊEMUS ČUOIGAMAT DÁN DÁLVVI: Odne ja ihttin lágiduvvo sihke cupčuoigan ja klubbameašttirgilvu Guovdageainnus. Vuorkágovva/Inger Marita Bals

Maŋemus čuoigamat dán dálvvi

Maŋemus cupčuoigan ja vuosttaš oassi klubbameašttirgilvvuin lágiduvvojit odne ja ihttin Guovdageainnus.

15:00 Cuoŋománu 19. beaivi 2017

Olles dálvvi leat cupčuoigamat ja eará čuoigamat lágiduvvon mánáide ja nuoraide Guovdageainnus.

Guovdageainnu čuoiganjoavku lágida ge odne dán dálvvi maŋemus cupčuoigama, ja vuosttaš oasi klubbameašttirgilvvuin.

 

Árbevirolaš čuoiganmálle

Otná čuoigamis galget buohkat čuoigat árbevirolaš čuoiganmálle.

Ihttin, go lea nubbi oassi klubbameašttirgilvvuin, de besset luistet.

Čuoigamat leat Guovdageainnu čuovgaláhtus goappašat beivviid.

Fáddásánit
Valáštallan

På forsiden nå