VUOLLÁIČÁLLÁN: Kárášjohkalaš Dag Andreas Balto lea vuolláičállán šiehtadusa Alta IF spábbačiekčanjoavkkuin. Govven: Alta IF

Máhccan fas Áltái

Dál lea Dag Andreas Balto guođđán Lyn joavkku, ja máhccan fas ruovttoluotta jovkui gos maŋemus jagiid lea čiekčan.

09:24 Cuoŋománu 05. beaivi 2017

Kárášjohkalaš Dag Andreas Balto, ovdalaš Álttá čiekči, čievččai Lyn joavkkus Oslos 3. divišuvnna mannan áigodaga.

Diibmá son čievčai gaskaboddosaččat Álttá joavkkus oanehaš, muhto manai fas ruovttoluotta Lyn jovkui, mainna sus ain lei šiehtadus.

 

Máhccan fas

Dál, go šiehtadus lea nohkan Lynain, lea Balto fárren fas ruoktot Finnmárkui, ja lea soahpan ođđa šiehtadusa Álttá IF joavkkuin, man ovddas ovdal lea čiekčan máŋga jagi fárrolaga.

Dál čiekčagoahtá fas sin fárus.

Sis lea vuosttaš čiekčan maŋŋel beassážiid, cuoŋománu 17. beaivvi, mii lea ruovttučiekčan Follo vuostá Finnmarkshallenis.

Fáddásánit
Valáštallan

På forsiden nå