VUITTII: Finnmárkulaš Malene Trosten Andersen lea dán dálvvi gilvalan USA:s ja vuittii maŋemuš skohtercrossagilvvu USA:s. Govva lea váldon eará skohtercrossa oktavuođas Álttás. Vuorkágovva/Inga Marie Guttorm.

Vuittii USA:s

Finnmárkku skohtercrossvuoddji vuittii mannan vahkkoloahpa gilvvu USA:s

11:22 Njukčamánu 20. beaivi 2017

Norgalaš ja sámi sogalaš Malene Andersen, lea dán dálvvi gilvalan USA:s Amsoil regionála ja nationála skohtercrossgilvvuin, ja mannan vahkkoloahpa ledje maŋemuš gilvvut ráidogilvvuin ja viimmat vuittii Andersen.

 

Gilvalan olgoriikkas
Son lea olles dálvvi gilvalan njunnošis, muhto ii leat vuoitán ovdal go dál, eanaš háviid lea dán dálvvi boahtán nubbin.

Son lea gilvalan Amsoil regionála ja nationála luohkás gos mannan vahkkoloahpa guktuid luohkáin vuittii.

Malene Andersen lei hui ilus ja njuolggosáddagis gilvvuin giittii son buohkaid geat leat dorjon su čađat.

Elina Øman vuittii ges olles ráiddu, ja Malene Andersen bođii nubbin ráiddus.

Fáddásánit
Valáštallan

På forsiden nå