Jus dus ii leat vejolašvuohta jienastit dábálaš ovdagihtiijienastanáigodagas dahje válgabeaivvi, de sáhtát árratjienastit dál juo.
Árratjienastit sáhttá suoidnemánu 3. beaivvi rájes gitta borgemánu 9. beaivvi rádjái.
Válgadirektoráhtta ávžžuha váldit oktavuođa vaikko guđe suohkaniin/gielddain gulaskuddat mo ja gos sáhtát árratjienastit.
Dábálaš ovdagihtiijienasteapmi álgá borgemánu 10. beaivvi. Válgadirektoráhta dieđuid mielde sáhtát árratjienastit ja ovddalgihtii jienastit vaikko guđe suohkanis/gielddas Norggas.
Válgabeaivi lea čakčamánu 11. beaivi. Muhtun suohkaniin/gielddain lea maid vejolaš jienastit čakčamánu 10. beaivvi. Válgabeaivvi fertet jienastit dan suohkanis/gielddas gos álbmotregistara mielde orut.
Dás oainnát sámi suohkaniid/gielddaid listoevttohasaid ja eará válgaságaid.
