Mánát geavahit olu eambbo áiggi interneahtas koronaheahtedili dihtii, ja leat danin eambbo hearkkit neahttaveagalváldái, vároha Unicef.
– Váilevaš fysalaš sosiála oktavuohta skihpáriiguin ja eará dehálaš olbmuiguin sáhttá dagahit ahte mánát váldet stuorát sjánssaid, nu go sáddet seksualiserejuvvon govaid, dahje addit dieđuid iežas birra mii sáhttá bidjat sin hearkkes dillái, čállá Unicef.
Unicef ovddida iešguđetge evttohusaid suddjet mánáid neahtas pandemiijaáiggis.
Earret eará ahte eiseválddit berrejit nannet bálvalusaid mat gusket mánáidsuodjalussii.
