-Almmuhus-
OĐĐASATUNESCO-kommišuvdna juolludan ruđa sámi prošeavttaide

UNESCO-kommišuvdna juolludan ruđa sámi prošeavttaide

-

-

Dán jagi ledje ollu ruhtaohcamat UNESCO-kommišuvdnii. Dáid gaskkas leat sihke Guovdageainnu suohkan, giella- ja kulturossodat ja RiddoDuottarMuseat ožžon doarjaga.

Dán jagi ledje ollu eambbosat ohcan ruhtadoarjaga, go muđui, Den norske UNESCO-kommišuvnna doarjjaortnegis 2016.

Ledje nu ollu ohccit ahte kommišuvnnas ii lean vejolašvuohta buohkaid doarjut. Oktiibuot ledje 24 miljovnna ruvnnu ovddas ohcan, ja dat ollislaš ruhtajuohkinsupmi lei 3,1 miljovnna ruvnnu.

 

Sámi prošeavttaide maid juolluduvvon

Daid 125 ohcciid gaskkas lea kommišuvdna mearridan ahte 42 prošeavtta ožžot doarjaga. Daid gaskkas lea Guovdageainnu Suohkan, giella- ja kulturossodat: Sámi duođaštusguovddáš, ožžon 75000 ruvnnu doarjaga ja RiddoDuottarMuseat fas ožžot, Johkafanas duođaštusprošektii, 75000 ruvnnu. Earáid geat maid ožžo doarjagiid, gávnnat dáppe.

-Almmuhus-