-Almmuhus-
OĐĐASATTom Sottinen dievasčoahkkinjođihangotti ođđa jođiheaddji

Tom Sottinen dievasčoahkkinjođihangotti ođđa jođiheaddji

-

-

Sorjjasmeahttun sámediggeáirras Elisabeth Erke lei dáhtton luvvejuvvot eret dievasčoahkkinjođihangotti jođiheaddjin, ja bearjadaga válljii dievasčoahkkima eanetlohku Bargiidbellodaga Tom Sottinena ámmáhii.

Smávit bellodagat Sámedikkis ovddidedje sorjjasmeahttun áirasa Kåre Olli jođiheaddjeevttohassan, muhto eanetlohku ii dorjon su. 

Norgga Sámiid Riikasearvi doarjjui Bargiidbellodaga evttohasa Tom Sottinena.

Sámedikki dievasčoahkkinjođihangottis leat Tom Sottinen (jođiheaddji), Tor Gunnar Nystad (nubbejođiheaddjin), Kåre Olli, Aili Guttorm ja Thomas Åhren.

Tor H. Mikkola lei ohcan beassat luvvejuvvot ja dan sivas molsouvvui maiddái son jođihangottis. 

-Almmuhus-