-Almmuhus-
-Almmuhus-
-Almmuhus-
KULTUVRATeáhter nuoramusaide – MAGO

Teáhter nuoramusaide – MAGO

-

-

Sámi Našunálateáhter Beaivváš ovttas BabyOperain illuda čájehit MAGO čájálmasa!

Lea teáhterčájálmas mii lea heivehuvvon earenoamážit gaskal 0- ja 3-jahkásaš mánáide, muhto mii heive buohkaide, maiddái rávisolbmuide.

Čájálmasas lea dánsejeaddji ja musihkkár geat ovdanbuktiba máidnasa mii boahtá Kwanbuk -guovllus dálá Davvi-Koreas. 

Lea máinnas jiehtanas sturrosaš nissonipmila birra guhte namuhuvvo Mago Áhkkun.

Mago lea son guhte eatnan alde ráhkada buot geologalaš hámiid stánžžis, báktešlájain ja iežas cissas ja baikkas. 

Máilmmi sivdnideami máidnasat leat áiggiid čađa leamaš vuohki dasa go mii galggašeimmet ipmirdit mot máilbmi ráhkaduvvui.

Dálá dilis leat iešguđetlágaš dieđalaš teoriijat dan birra, muhto liikká mii imaštallat.

Duiskka fysihkar Max Planck navdo leahkit son guhte čálii kvantefysihka teoriija birra ja celkkii: Diehtagiin ii sáhte čoavdit duohtavuođa ipmaša čuolmma luonddus.

Danne go loahpaloahpas leat mii ieža oassin dan ipmašis maid mii geahččalit čoavdit. 

Seammasullasaš dasa lea maiddái mot mánát sahkanit ja mot sii šaddet danin go sii leat.

Mii diehtit lunddolaš dieđačilgehusain mot sahkkehus dáhpáhuvvá, mot dat árbbálašvuohta ja biras mearrida geanin mii šaddat.

Almmatge eat ipmir – juohke áidna mánná lea imašlaš. 

 

MAGO čájehuvvo Guovdageainnu (8.12. ja 13.12.), Kárášjogas (9.12), Álttás (10.12.), Ráissas (11.12) ja Leavnnjas (12.12).

 

Sámi Našunálateáhter Beaivváža preassadieđáhus

-Almmuhus-