Dán rádjái lea Olgoriikadirektoráhtta (UDI) gažadan buot Syria dorvoohcciid maŋŋá go leat registrerejuvvon politiijain. Dál árvvoštallet politiijat heaittihit gažadeami.
Dán rádjái lea Olgoriikadirektoráhtta (UDI) gažadan buot Syria dorvoohcciid maŋŋá go leat registrerejuvvon politiijain. Dál árvvoštallet politiijat heaittihit gažadeami.
Geahččalanprošeavttas man UDI lea čađahan dán čavčča, de leat dušše Syria dorvoohccit gažaduvvon jus politiijat leamaš eahpesihkkarat sin identitehtii, ahte sáhttá go ohcci leat váralažžan Norgii, vai guoddá go ohcci dorvoohcci stáhtusa, dán čállá iFinnmark.
– Váldoulbmilin lei nu árrat go vejolaš oažžut čielggadit sin identitehta. Dasa lassin áigot vel geahpidit ságastallamiid Norgga eiseválddiiguin, mii seastá ollu resurssaid mis, dadjá Dag Bærvahr, gii lea UDI dorvoohcciid ossodaga fágahoavda, e-poasttas Aftenpostenii.
Maŋŋá go ođđa bagadusat bohte ahte galget johtilit meannudit dorvoohcciid ohcamušaid geat bohtet Storskog bokte Norgii, de leat 90 dorvoohcci máhcahuvvon fas Ruššii.
Golggotmánus ja skábmamánus rasttildedje sullii duháha dorvoohcci rájá Ruoššas, ii oktage leat boahtán juovlamánus. Mannan vahkus bohte 363 dorvoohcci eará rájáid bokte Norgii.
