Álbmotčoahkkima gaskaboddosaš prográmmas lea earret eará suohkana bargu suohkanođastusain, ja dát oassi lea sátnejođiheaddji ja ráđđeolbmá bokte. Čoahkkimis maid ovdanbuktet čielggadanraportta ja dás lea vejolaš buktit jearaldagaid. Dát oassi viiddiduvvo jus leat máŋga ovttastahttinmolssaeavttu maid galgá ovdanbuktit.
Joavkobarggut
Álbmotčoahkkimis galget maid ovdanbuktit joavkobargguid čadnon čuovvovaš fáttáide:
– Máid ássit oidnet stuorimus ovdamunnin ja stuorimus vahágin ovttastahttimis?
– Makkár čielggademiid dahje dieđuid lea dehálaš ovdanbuktit ovdal go mearrida ovttastahttima?
Álbmotčoahkkin lágiduvvo skábmamánu 18. beaivvi. Čoahkkin lea LES-viesus ja álgá diibmu 18:00.