-Almmuhus-
SMÁVVAOĐĐASATStáhta­ministtar boahtá hávdá­deapmái

Stáhta­ministtar boahtá hávdá­deapmái

-

-

Bargiidbellodaga jođiheaddji ja Norgga stáhtaministtar Jonas Gahr Støre boahtá oassálastit Bjørn Inge Mo hávdádeamis Gáivuonas duorastaga suoidnemánu 21. beaivvi.

Dán dieđiha Romssa Bargiidbellodat preassadieđáhusas. 

Maiddái Bargiidbellodaga nubbijođiheaddji ja stáhtaráđđi Bjørnar Skjæran, Romssa Bargiidbellodaga jođiheaddji Nils-Ole Foshaug ja Finnmárkku Bargiidbellodaga jođiheaddji Kristina Hansen vulget mieđuštit iežaset bellodatustiba hávdeeatnamii. 

Loga maid:
– Dáistalii sámi vuoigat­vuođaid eallin­agi

Ovddeš sámediggepolitihkkár ja dálá Romssa ja Finnmárkku fylkkaráđijođiheaddji, Bjørn Inge Mo (1968-2022) jámii iežas ruovttus mannan sotnabeaivvi čuovganeapmái. 

Mo lei guhká mielde politihkas ja son lei earret eará sámediggeáirras 2017 rájes ja lea maid leamaš sátnejođiheaddji Gáivuona suohkanis 2003 rájes gitta 2015 rádjai.

-Almmuhus-