-Almmuhus-
SMÁVVAOĐĐASATSofia Jannok lea birras­sáŋgár 

Sofia Jannok lea birras­sáŋgár 

-

-

Son oaččui máilmmi luonddufoandda WWF birasbálkkašumi.

Sofia Jannok oaččui ikte, golggotmánu 20. beaivvi bálkkašumi Stockholmmas.

– Doarrun luonddu ovddas lea deháleamos midjiide, ja dat lei álo leamaš lagamus áššin mu váibmui. Dát bálkkašupmi lea buot buolvvaid sámiide geat leat bargan dan ovdii ahte mu buolvvas leat meahcit, várit ja čáhci. Dál lea min vuorru bargat juste seamma min mánáid dihte, dadjá Sofia Jannok WWF preassadieđáhusa bokte.

Ruoŧa ruvdnoprinseassa Victoria geigii Sofia Jannokii máilmmi luonddufoandda WWF birassáŋgár-bálkkašumi Stockholmmas. Bálkkašumi sturrodat lea 100 duháha Ruoŧa ruvnno. 

Iežas Instagram-siiddu bokte Jannok muitala ahte ruđaid háliida geavahit iežas vuođđudussii, mii bargá sámi eatnamiid ja luonddu suodjalemiin, čállá Jannok sosiála medias.

-Almmuhus-