Crossabeakkálmasat Aki Pihlaja, Martin Moland, Elias Ishoel, Adam Renheim ja Kristoffer Holm gilvvohallet šaddat máilmmimeašttirin iežaset valáštallamis.
Miessemánu 4. ja 5. beaivvi čoagganit crossavuoddjit Levii, Suomabeallai, gos lágiduvvo máilmmemeašttirgilvu skohtercrossas. Dovddus crossavuoddjit leat oaidnimis dalle.
Suoma, Ruoŧa ja Norggabeal vuoddjit
Sihke Suoma, Ruoŧa ja Norgga vuoddjit leat dieđihuvvon gilvui ja gergosat gilvvohallat.
Aki Pihlaja, Martin Moland, Elias Ishoel, Adam Renheim ja Kristoffer Holm leat birgen bures dán áigodaga, ja leat vuolgime.
Amerihká násti máhccan ruoktot
Maiddái Amerihká násti lea searvame. Malene Trosten Andersen lea orron ja gilvvohallan nuppe bealde ábi dán dálvvi, ja lea dál fas máhccan ruoktot Norgii.
Sus leat buorit bohtosat doppe, ja lea árvideames gearggus čájehit maid máhttá maiddái Levis.
