-Almmuhus-
OĐĐASATSámi leavga 30 jagi libardan

Sámi leavga 30 jagi libardan

-

-

Otne, borgemánu 15. beaivvi lea 30 jagi áigi go sámi leavga váldui atnui vuosttaš geardde.

– Sámekonferánsa mearridii maŋŋit borgemánu 14. beaivvi makkár sámi leavga galggai olggosoaidnit. Leavgga hábmengilvui ledje boahtán 27 evttohusa, ja mii golmmas geat leimmet leavgalávdegottis válljiimet 10 evttohusa maid gaskal sámekonferánssa sáhtii váljut. Dan eahkeda ledjen mearridan ahte leavga galggai gorrojuvvon gárvvisin nuppe beaivái go konferánsa loahpahuvvui, muitala Rose-Marie Huuva NRK Sápmái.

 

Oaččui fuomášumi

Huvva muitala Ávvirii ahte son lei dušše dat gii goarui dan vuosttaš sámi leavgga, maid Astrid Båhl lea hábmen.

– Dat lei buorre go nagodeimmet gárvet leavgga juste dan sámekonferánssas, go de ožžo olbmot geat ledje doppe oaidnit makkár dat šattai, ja maiddái mediat ledje doppe. Danne oaččui leavga fuomášumi ja buohkat de duhte makkár sámi leavga šattai, lohká Huuva.

 

Vuogas leavga

Huuva muitala ahte álgoáiggiid ledje muhtumat geat vuosttildedje leavgga, ovdamearka go ii lean ruossa leavggas, nu movt dain davviriikkain lea.

– Fertiimet dalle čilget ahte ruossa ii gula sámiide, ja mu mielas lea dat jorba leavggas hui vuogas, go dat govvida min eallima. Das ii leat álgu iige loahppa, lohká Huuva.

 

-Almmuhus-