Kárášjoga koronanjoammumiid geažil lágiduvvo juovlamánu dievasčoahkkin Álttás.
Sámedikki dievasčoahkkinjođihangoddi lea mearridan ahte dievasčoahkkin lágiduvvo Álttás juovlamánu 7.-10. beivviid. Čoahkkinbáiki lea Scandic Álttá hotealla.
Sámediggi dieđiha ahte váldosivvan go dievasčoahkkin dán vuoru ii lágiduvvo Kárášjogas lea danne go gielddas leat leamaš ollu koronanjoammumat maŋimuš vahkuid.
Dievasčoahkkinjođiheaddji Tom Sottinen lea gulahallan Álttá suohkana sátnejođiheddjiin Monica Nielseniin ja lea ožžon dihtosii ahte doppe čuvvot nationála njoammuneastadannjuolggadusaid ja -ráđiid, eaige leat báikkálaš doaimmat.
– Mis lea leamaš buorre gulahallan Álttá suohkaniin ja oaidnit ahte dá lea buoremus čoavddus, go sáhttit čađahit dievasčoahkkima fysalaččat, dadjá dievasčoahkkinjođiheaddji Tom Sottinen (Bb) preassadieđáhusas.
– Mii illudit doallat dievasčoahkkima Álttás, dadjá dievasčoahkkinjođiheaddji.