Dálki hehtte lágideames čuoigama dan beaivvi go galggai.
Bearjadaga ovdal gaskabeaivvi mearridii Saami Ski Race jury ahte čuoigan maŋiduvvo.
Dálki hehtte
Lávvordaga dálkedieđáhusa geažil lea jury mearridan sihkkarvuođa dihtii maŋidit Saami Ski Race sotnabeaivái, njukčamánu 31. beaivái.
Sotnabeaivvi álgá geasseáigi, dat mearkkaša ahte diibmu galgá sirdot diimmu ovddos.
Muđui lea čuoigan seamma áiggi sotnabeaivvi go lávvordaga livččii.
Buoret dálki beaivvi maŋŋel
Lávvordahkii dieđiha biekka 10-13 mehtera sekunddas, muhto sotnabeaivái galgá veahá ložžet.
Dalle ii galgga eará 4-6 m/s ja veahá beaivvádat.
