-Almmuhus-
-Almmuhus-
-Almmuhus-
KULTUVRARukses Ruossa bovde nuvttá meahcástallanleirii

Rukses Ruossa bovde nuvttá meahcástallanleirii

-

-

Meahcástallanleaira lágiduvvo Karalaks báikkis Porsáŋggus ja lea mánáide ja bearrašiidda geain leat mánát gaskkal 9 ja 12 jagi.

Finnmárkku Rukses Ruossa lágida nuvttá leairra mánáide gaskkal 9 ja 12 jagi, ja sii sáhttet searvat okto dahje ovttas váhnemiiguin. Bearaš sáhttá maid searvat, muhto eaktuduvvo ahte unnimusat okta mánná lea gaskkal 9 ja 12 jagi boaris.

Rukses Ruossa máksá buot goluid nu go orruma, borrama ja doaimmaid ovddas. Mátki ovddas sáhttá maid šiehttat mávssu.

Leaira lágiduvvo borgemánu 1.-5. beaivvi Karalaksas Porsáŋggus. Dieđihanáigemearri lea 30.beaivvi miessemánus, ja ferte ieš váldit oktavuođa báikkálaš Rukses Ruossain.

-Almmuhus-