-Almmuhus-
-Almmuhus-
-Almmuhus-
SMÁVVAOĐĐASATRomsa ásaha ovdagodde­modealla

Romsa ásaha ovdagodde­modealla

-

-

Go ođđa fylkkadiggi vuođđuduvvui, de mearridii eanetlohku ásahit Romssa fylkkasuohkanii ovdagoddemodealla. 

Romssa konstituerejeaddji fylkkadiggi lágiduvvo golggotmánu 24. ja 25. beivviid.

Vuosttaš áššin lei válljet stivrenmálle go dat bidjá viidáset eavttuid earret eará go galget válljet fylkkasátnejođiheaddji, fylkkavárresátnejođiheaddji ja vel fylkkalávdegotti. 

Ovdagoddemodealla mielddisbuktá ahte fylkkadiggi ieš vállje fylkkalávdegotti. Fylkalávdegoddái válljejit láhttuid ja várreláhttuid fylkkadiggeáirasiid gaskkas, ja sii čohkkájit njeallje jagi. Fylkkalávdegoddi válljejuvvo gorreválggain dahje šiehtadusválggain, čállá Romssa fylka preassadieđáhusas.

Ovdagoddemodeallas lea fylkkasátnejođiheaddji fylkkasuohkana bajimus politihkalaš ovddasteaddji. Fylkkasuohkana bajimus hoavda ges lea fylkadirektevra. 

Romssa fylkkasátnejođiheaddji ja fylkkavárresátnejođiheaddji válljejuvvoba ihttá fylkkadikkis. 

-Almmuhus-