Romsa

Politiijat leat gávdnan jápmán olbmo maŋŋel go návstu visttáš bulii gutnan Sálliris Romssas. Eai leat vel identifiseren jápmán olbmo.

Bovden givssidanáittardeaddji Gáivutnii:

Gáivuona suohkanstivra lea mearridan ahte eai šat dohkket givssideami ja juolludit dán jagi bušeahtas 300 000 ruvnnu givssideami eastadandoaimmaide. Vuosttaš lávki lea bovdet givssi­danáittardeaddji galledit Gáivuona.

Romssa politiijaguovllus váruhit olbmuid vuodjimis leahtuin go olu ealggat vánddardit geaidnoguoraid. 

Norgga čáhcádat- ja energiijadirektoráhtta lea Romsii dál dohkkehan golbma ođđa čáhcefápmorusttega, seammás lea hilgon golbma.

Skábmamánu dušše guokte olbmo Finnmárkku ja Nordlándda johtolagas. Dán jagi leat 16 olbmo duššan johtolagas.

Buolvvat koara lávlu adveantakonseartta Sálašvákki girkus ja bileahttadietnasa skeŋkejit Romssa gávpoga Kirkens bymisjonii. – Mus lea juohke beaivvi heajos oamedovdu go mis lea nu buorre dilli, ja danin lea mávssolaš veahkehit dán láhkai, dadjá koara dirigeanta, Liv Mæsel Rundberg.

May Iris Hansenis ii lean el-rávdnji ii ge telefonneahtta ikte ja odne «Ylva» stoarpma dihtii, ja muitala son lei isolerejuvvon ruktui ja balai robi girdieames eret. Son ii leat dákkár biekka vásihan dan 16 jagis go lea orron Loabágis.

Stuora oassi finnmárkulaččaiguin eai hálit ovttastahttot Romssa fylkkain. 24,8 proseantta leat mielas, ja 67 proseantta fas eai.

Tromsø Arctic Pride 2017:

Olles vahkku ávvudit máŋggabealatvuođa Romssas go čohkkejit olbmuid geain leat iešguđet ivnnit, sohkabealit ja fiillat ávvudit iešvuođa ja ahte buohkain lea seamma árvu – ja buohkain lea riekti leahkit nu movt ieš dáhttu, čállá pride lágideaddji doaluid oktavuođas.

Meteorologat leat sádden OBS-várrehusa Davvi-Romsa ja Finnmárkku mearraguovllu biilavuddjiide.

Siiddut