PST šálloša jos dahkkojuvvojedje boasttuárvvoštallamat ovdal geassemánu 25. beaivvi báhčima Oslos mannan geasi.
– Háliidan cealkit oapmahaččaide, buot guoskevaš olbmuide ja olles Norgga servodahkii ahte mii PST:s šállošat boasttuárvvoštallamiid mat dahkkojedje ja makkár váikkuhusaid dat mielddisbukte, dadjá PST-hoavda Beate Gangås go kommenterii geassemánu 25. beaivvi raportta mii ovdanbuktojuvvui duorastaga.
– Addá muitogova lohkat raportta, erenomážit dan oasi mii meannuda gažaldaga livččii go PST sáhttán bargat juoidá eará ládje, ja doppe deattuhuvvo ahte eará meannudeapmi livččii sáhttán dagahit ahte falleheami livččii sáhttit garvit, dadjá Gangås.