Ođđajagimánu 1.beaivvi rájes divru pássahaddi olles 120 ruvnnuin.
Mánáide divru haddi ges 72 ruvnnuin.
Čakčat dieđihii ráđđehus ahte pássahattit galge loktanit, muhto dalle eai almmuhan man olu haddi galggai loktejuvvot. Okta ákkain lea divraset áššemeannudeapmi maid Riikkarevišuvdna duvle cuiggodii. Maiddái teknihkalaš ovdáneapmi sihkkarvuođa ektui ja ođđa nationála ID-koarta lea dieđihuvvon leat sajis boahtte jagi.
Juovlamánu 20.beaivvi rievdaduvvui pássaláhka, ja pássahaddi dieđihuvvui loktejuvvot 450 ruvnnos 570 ruvdnui rávesolbmui, ja mánás ges 270 ruvnnos 342 ruvdnui.
– Juovlamánu 18.beaivvi mearridii Stuoradiggi rievdadit pássalága ja loktet divadiid. Dat diehtu sáddejuvvui maid politiijaguovddážiidda, muitala Sentrum politiijaguovddáža spesialavsnitt jođiheaddji Marit Johanne By Adresseavisenii.
Trøndelága politiijaguovlu lea juohkán dieđuid rievdadusa birra sin Facebook joavkkuin bearjadaga maŋŋelgaskabeaivvi. Eará politiijaguovllut eai leat addán dán dieđu almmolašvuhtii.
Divadat leat bisson seamma dásis 2008 rájes. Dalle ledje ollu unnidan hatti, go mávssii 990 ruvnno pássa ovddas rávisolbmui, ja 430 ruvnno mánnái.
(©NTB)
