Eanodaga Guhttásis dáhpáhuvai odne iđđes heaggarihkkus. Almmái gean navdet sivalaš vearredahkui lea ain jávkosis, dieđiha Lappi politiijat.
Eanodaga Guhttásis dáhpáhuvai odne iđđes heaggarihkkus. Almmái gean navdet sivalaš vearredahkui lea ain jávkosis, dieđiha Lappi politiijat.
Politiijat ožžo dieđu rihkkosis odne iđđes diibmu 7.45. Dán muttus eai dáhtton politiijat vel muitalit mo rihkkus lei dáhpáhuvvan, dieđiha Yle Sápmi.
Politiijat leat guovllus ohcamin bahádahkki
Almmái gean balahit sivalažžan lea 36-jahkásaš olgoriikkalaš, gii lea 180 cm guhkki ja sus leat oanehis vilges vuovttat ja skávžžát. Sus lea badjelis čáhppes obbabivttas, mas lea veháš alit ivdni. Albmás sáhttá leat fárus stuorra seahkka ja guokte beatnaga.
Olgoriikalaččat
Politiijat gávdne albmá meahcis Guhttása ja Gulddáma gaskkas, lahka báikki, gos heaggarihkkus dáhpáhuvai. Ohcamii oassálaste máŋga politiijapatrullja mohtorfievrruiguin ja Rádjegozáhusa helikopter.
Goddojuvvon olmmoš lea 25-jahkásaš nisu. Sihke son ja rihkkusis navdon 36-jahkásaš almmái leaba olgoriikkalaččat, geat bargaba Suomas.
Guhttásis politiijat dutket dál rihkkusbáikki ja álggaha rihkkuášši dutkama, čállá Yle sápmi.
