Okta oahpaheaddji Bearralvági skuvllas Finnmárkkus lea áššáskuhtton go galgá huškon ja spežžon guhtta oahppi, njeallje bártnáža ja guokte nieiddaža.
Okta oahpaheaddji Bearralvági skuvllas Finnmárkkus lea áššáskuhtton go galgá huškon ja spežžon guhtta oahppi, njeallje bártnáža ja guokte nieiddaža.
Dáhpáhusat galget geavvan jagi 2013s gitta geassemánu 2015 rádjái, čállá iFinnmark.
Veahkaválddálašvuohta galgá dáhpáhuvvan skuvlaáiggis. Áššáskuhttimis boahtá ovdan ahte áššáskuhtti lea huškon mánáid oivviid, gaikon bealjis, báhcahan muođuid ja huškkastan suorbmagežiid soppiin dahje girjjiin.
Oktii galgá oahpaheaddji maid rohtten eret stuolu nu ahte okta oahppi gáhčai láhttái ja bávččagahtii čielggi.
Guhtta dáhpáhusa
Finnmárkku politiijaguovllu politiijaadvokáhtta Eli Reberg Nessimo muitala dán guhtta dáhpáhusa geavvan 2013s gitta 2015 rádjái.
Ášši boahtá diggái ođđajagimánu 4.beaivvi boahtte jagi, ja dan bottas lea oahpaheaddji váldon eret skuvllas.(©NTB)
