Boahtte jagi divru NRK-liseansa 108 ruvnnuin, muhto NRK ii oaččo beali ge dán ruđas.
NRK-liseansa divru 108 ruvnnuin boahtte jagi, nu árvala ráđđehus stádabušeahtas.
Juohke TV-eaiggát gártá danin máksit 2.976 ruvnnu boahtte jagi NRK-liseanssa ovddas.
Momsa lassána guvttiin proseanttain, ja dan geažil dattetge ii oaččo NRK eanet go 50 ruvnnu liseansalasáhusas.
Sáttamedia hoavda Thor Gjermund Eriksen lei bivdán 55 ruvnnu lasáhusa.