– Mii ávžžuhit ráđđehusa gulahallat ovttadássásašvuođas sámiiguin ja dovddastit sin váttis dili ja mot dat dilli lea váikkuhan sidjiide, sin ealáhussii ja eallinláhkái.
Dán cealká Norgga Sámemišuvdna odne, njukčamánu nupp beaivvi Fovsen-áššis.
– Bieggaturbiidnahuksen Fovsenis lea ožžon duomu Alimusrievttis. Turbiinnat ceggejuvvojedje beroškeahttá álgoálbmotvuoigatvuođain ja hehttejit Lulli-Sámi boazosámiid ealáhusbargguid. Boazodoallu lea juo stuora deattu vuolde buot sisabahkkemiid dihte guohtoneatnamiidda, boahtá ovdan Norgga Sámemišuvnna preassadieđus.
Sámemišuvdna čállá viidásit:
– Ii oktage leat vuoittu bealde dákkár áššis gos sámiid vejolašvuođat joatkit iežaset árbevirolaš eallinvugiin gáržžiduvvojit. Go Ipmil celkkii ahte mii galgat ráđđet guliid badjel mearas, lottiid ja elliid badjel áimmus ja eatnama alde, mearkkaša almmá dan ahte mii gáhttet sihke dáru ja sámi šibitdoalu ja boazodoalu ja luonddugeavaheami? Bieggaturbiinnat boazoguohtoneatnamiid guovdu leat loavkašuhttit sámiid vuoigatvuođaid iežaset ealáhusain bargat.
Norgga Sámemišuvnnas čállet sin báikkálaš searvvit Guovdageainnus, Spjelkavikas, Hommersåkas, Deanus ja Skålas dorjot sámi nuoraid ja earáid geat dál barget vuoigada bealis guovdu Oslo gáhtaid.
