2023:s leat njuovvan eanemus bohccuid 2016 čavčča rájes, čájehit varas logut.
Dán jagi leat njuovvan 43 464 bohcco čakčamánus gitta skábmamánnui. Dat lea 6 235 eambbo go diibmá seammá áiggi, mii lea 17 proseantta eambbo, ja lea nu stuorimus njuovvanlohku 2016 čavčča rájes.
– Njuovvanáigodat bistá gitta cuoŋománu 2024 rádjai. Danne ferte loguid dárkileappot árvvoštallat ovdal go sáhttit dadjat maidege prognosaid birra dán jagi áigodahkii obbalaččat, dadjá Widar Skogan gii lea Eanandoallodirektoráhta Boazodoalloossodaga direktevra.
