-Almmuhus-
-Almmuhus-
-Almmuhus-
OĐĐASATMátketelefovnnat ja jáhkat leat bahát suoláduvvot

Mátketelefovnnat ja jáhkat leat bahát suoláduvvot

-

-

Lávvordaga lea eatnasiin friddja, muhto suollagii lea dat buot buoremus bargobeaivi. Leat dávjjimusat jáhkaid ja mátketelefovnnaid maŋis.

– Mii oaidnit čielga logu suoládemiin lávvordagaid. De mii leat dávjá olgun, restoráŋŋain dahje gávpogis, dadjá Frende Forsikring vaháthoavda mátkkis, Petter Lassen preassadieđáhusas.

– Mátketelefovnnaid, smávva elektronihkkabiergasiid ja divrras mearkabiktasiid lea álki suoládit, dadjá Securitas doaibmakoordináhtor, Marius Fausken Amesen.

– Mis lea álkit suoládit go mii leat luopmomodusis ja vázzit biktasiiguin maid sáhttet unnit lummat, dadjá Petter Lassen.

 

35 000 mátketelefovdnavahága diibmá

2018:s dieđihuvvojedje 350 000 mátkevahága Norgga dáhkádusfitnodagaide, Finans Norge loguid mielde. Frende lei 10 proseantta mátkevahágiin čadnon mátketelefovdnii.

Dain loguin ledje 35 000 mátketelefovnna dieđihuvvon masson riikadásis 2018:s.

– Dat leat hui alla logut. Dál mannat daidda vearrámus vahkkuide jagis. Suoidnemánu gevvet 130 proseantta eambbo mátketelefovdnavahága go muđui, čájehit min logut, dadjá Lassen. 

-Almmuhus-