-Almmuhus-
OĐĐASATLoatna­kássa addá dál loana dassážii go leat 50 jagi

Loatna­kássa addá dál loana dassážii go leat 50 jagi

-

-

Boahtte oahppojagis sáhttá ohcat loana dassážii go deavdá 50 jagi, ja doarjaga submi ii unno de. Dál lea ahkemearri oažžut loana 45 jagi.

Dasa lassin bajiduvvo ahkemearri goas loatna galgá mákson, 65 jagis 70 jahkái.

Dál lea gáibádus vázzit unnimus vihttalogi proseantta oahpu vai oažžu doarjaga, ja dat gáibádus váldo eret. Dalle sáhttá oažžut doarjaga jus ovdamearkka dihte lohká 20 proseantta seammás go bargá.

– Loatnakássa áigu dagahit ahte eatnašat ollašuhttet joatkkaskuvlaoahpahusa, dadjá Loatnakássa hálddašeaddji direktevra Nina Schanke Funnemark.

Dál leat measta 600 000  gaskal 25- ja 66-jahkása rávisolbmo geain ii leat joatkkaskuvlaoahppu.

Dat ođđa njuolggadusat gusket maid studeanttaide alitoahpus, muhto liigedoarjja lea ráddjejuvvon 100 000 ruvdnui jahkái ja eanemustá 200 000 ruvdnui.

(©NTB)

-Almmuhus-