Odne eahkes lea Ella (20) fas oaidnimis TV:s go Stjernkamp čájehuvvo NRK1:s.
Rappesta ja dánsesta
Ella Marie Hætta Isaksen logai iežas mannan lávvordaga duhtavažžan go lávllui The Band Perry-joavkku lávlaga «Better Dig Two» country-šáŋŋeris, muhto odne čavgá gilvu go dál lea dánsun maid oassin gilvvus.
Vuosttaš háve lea koreografiija vel lávlumis, ja dánsumii son gal liiko.
– Jáhkán mun ferten mannat veahá rollii, leat veahá «diva» go lávllun dan lávlaga. Dál lea ge vuosttaš háve go mun ferten veahá neavttašit, go dássážii lean lávlon áššiid birra mat leat dego guoskan mu eallimii. Šaddá somá, jáhkán mun gávnnan ođđa beali alddán dál, dajai Ella Marie Ávvirii.
Odne eahket lea ge goalmmát sátta dán jagá Stjernekamp gilvvus, dán háve hiphop šáŋŋeris. Maria Karlsen alias Lotus lea mentor ja šáŋŋerdovdii.
