– Dát álbmotjienasteapmi ii váikkut dan maid Stuoradiggi lea juo guktii mearridan, cealká Ståle Sæther.
– Dát álbmotjienasteapmi ii váikkut dan maid Stuoradiggi lea juo guktii mearridan, cealká Ståle Sæther.
Láhpi suohkanstivra lea mearridan ahte eai geavat iežaset resurssaid čađahit álbmotjienasteami das galgá go Romssa ja Finnmárkku fylkkaid ovttastahttit, dieđiha Davvi-Norgga Olgeš preassadieđáhusas.
– Dát ášši lea suohkana resursageavaheami birra, min suohkan lea unni. Dát gáibidivččii ahte eará bargguid ferte rievdadit vai bargit bállejit álbmotjienastemiin bargat. Dát álbmotjienasteapmi ii váikkut dan maid Stuoradiggi lea juo guktii mearridan. Fylkkagielda ii sáhte min gohččut čađahit álbmotjienasteami, sii fertejit ieža boahtit čađahit dan, lohká Ståle Sæther preassadieđáhusas.
Son lea Olgeža joavkojođiheaddji.
Ávžžuhit ruđa geavahit eará doaimmaide
Láhpi suohkanstivra bivdá suohkastivramearrádusas fylkkagieldda baicce geavahit dan golbma miljovnna, maid álbmotjienasteapmi máksá, eará doaimmaide.
Doaimmaide nu go buoridit Láhpi suohkana johtalusfálaldaga ja joatkkaskuvllaid divodeapmái.
