Kárášjoga gielda

Kárášjoga mánáidskuvlla 7A luohkká lea dolkan daid boares, heajos ja guohcahivssegiin skuvllas, mas eai oba ge leat hivssetrieggát, man alde sáhttá čohkkát. Sunna Svendsen čálii danin reivve gildii mas son čábbát jearrá sáhttá go gielda vuoruhit ruđaid ođasmahttit hivssegiid.

Bargobearráigeahčču lea guorahallan Kárášjoga mánáidsuodjalusa borgemánus, ja raporttas man leat čađahan gohččot mánáidsuodjalusa njulget gávcci ášši.

Kárášjoga ráđđealmmái ii loga gielddas leat návccaid meannudit dan 150 ášši mat dearvvašvuođasuorggis leat meannutkeahttá. 

Nu go diibmá de skeŋke Finnmárkkuopmodat ealgga buhcciidruovttuide, otne iđđedis vuorbádedje makkár njeallje buhcciidruovttu besset herskostallat ealggabiergguin.

 

 

Kárášjoga gielddas leat jođus 20 bearráigeahččanášši dearvvašvuođaguovddášsuorggis, ja 150 ášši mat eai leat meannuduvvon. Dát čuohcá erenomážit daid návccaheamos olbmuide gielddas geat dárbbašit veahki. 

Kárášjoga gielda lea rahpan skohterláhttuid.

Duorastaga gielddastivrračoahkkimii ledje fylkkamánni bealis boahtán čuvgehit daid iešguđet hástalusaid mat Kárášjoga gielddas leat. Fylkkamánni bealis oaivvildit ahte dál ii leat dilli sivahallat nubbi nuppi, muhto baicce geahččat ovddasguvlui. Dál áigot ovttasráđiid dahkat Kárášjoga «kvalitehtagieldan».

 

Gielda lea divvon máŋga jagi jo geainnu Ájonjárggas, Kárášjoga gielddas.  Geaidnu manná  Evy Marie ja Asbjørn Guttorm eatnama guora, ja soai eaba leat duhtavaččat vugiin, mo gielda lea bargan divvumiin ja leaba vuordán vástádusa gielddas diimmá rájes. Dál leaba váldán advokáhta veahkkin oažžun dihtii vástádusa gielddas.

Nuoraidráđi ovddeš jođiheaddji cuiggoda Kárášjoga gieldapolitihkkáriid, ja čuoččuha ahte politihkkárat eai váldde duođas nuoraid jiena eaige beroš bovdet nuoraidráđi čoahkkimii.

Kárášjoga ráđđealmmái lea fuolas ja evttoha earret eará heaittihit virggiid gokčan dihtii gieldda stuorra eanetgeavaheami.

Siiddut