Joatkkaskuvllat

Kommunal rapport lea almmuhan loahpalaš jávkanloguid skuvllajagis 2016-2017, logut čájehit ahte jávkan lea unnon 30 proseanttain ja leat eambbo oahppit mat ožžot ceavzin árvosáni.

 

Čakčat leat oahppit eanaš joatkkaskuvllain Finnmárkkus ásahan nuoraidfitnodagaid ja sis leat čielga fitnodatjurdda. Olles skuvllajagi áigot sii geahččalit duohtandahkat fitnodatjurdaga, sihke buvttadeami, márkanfievrredeami ja vuovdima bokte.

Álttá joatkkaskuvlla oahppit leat vássán skuvlajagi ožžon olu friddjadiimmuid go livččii galgan sámegieloahpahus. Dán skuvlajagi sávvet ášši rievdat.

Eai goassege ovdal leat nu oallugat čađahan joatkkaskuvlla go dál. 73 proseantta ohppiin gárvejit oahpu viđa jagi siste.

Eanaš ohccit joatkkaskuvlii leat ožžon skuvlasaji, ja eanet oahppit leat válljen fidnofágaid.

Finnmárkku fylkkagielda lea ožžon miljovdnabeale Davvi-Norgga Seastinbáŋkku vuođđudusas geasseskuvllaid lágidemiide Finnmárkkus. Dalle ožžot fidnofágaoahppit ja fidnooahppit ođđa vejolašvuođa ceavzit dehálaš fágain. 

Eksámenáigi lea giđđamearka, seamma go miessemánu 17. beaivvi ávvudeapmi. Eksámenáiggis galget 240 000 oahppi čađahit 278 000 eksámena, 400 iešguđet fágas.

Finnmárkku fylkkagieldda sisaváldinkantuvra lea sádden fálaldat- ja biehttalanreivviid joatkkaskuvlaohcciide. Vuosttaš vuoru leat meannudan ohcamiid sis geain lea vuosttašriekti ja individuála árvvoštallan.

Stuora sukseassa jávkannjuolggadusain Finnmárkkus:

Ođđa jávkannjuolggadus skuvllas lea buoridan dan stuora jávkama Finnmárkkus, mii guhká lea leamaš statistihkalaččat heajumus oahppofylka. Jávkan njiejai 38 proseanttain diimmáža rájes.

Siiddut