-Almmuhus-
OĐĐASATInflueansa ii njoamo šat nu beare­haga

Influeansa ii njoamo šat nu beare­haga

-

-

Dán jagáš influeansanjoammudávda bisánii njoammumis birrasiid dán jagi nuppi vahku, maŋŋel go vuosttaš vahku lei alimus dásis. Álbmotdearvvašvuođainstituhtta vuordá liikká lasi olbmuid buohccát boahttevaš vahkuid.

Lea oalle dábálaš ahte influeansanjoammudávda bisána ođđajagemánu álggus, dieđiha Álbmotdearvvašvuođainstituhtta.  Nuppi vahku gárte oktiibuot 105  pasieantta buohccevissui influeansadávdda geažil. 88 pasieanttas lei influeansa A ja 17:s lei influeansa B.

– Mii vuordit influeansabuhcciid lassánit boahttevaš áiggis. Njoammun álgá birrasii juovllaid, ja dávjá bisána njoammun guovvamánus/njukčamánus. Njoammuma sturrodaga ja goas dat oalát bisána ii sáhte sihkkarit dadjat, dieđiha Álbmotdearvvašvuođainstituhtta.

-Almmuhus-