Duorastatiđida dieđiha Finnmárkku politiijaguovlu Twitteris ahte Hámmárfeasttas lea njalkkas ja guorbmebiillat bártidit dan heajos siivvus.
Riikageainnu 94s, Saragoađi lahka, lea váttis stuorát vuojániidda go lea njalkkas, muhto lea ain vejolaš vuodjit dakko.
Máŋgga sajis bártidit
Leirvikluohkás Rg 94s lea guorbmebiila bisánan luohkkái go lea njalkkas. Lea vejolaš vuodjit meattá ja geaidnojohtolatguovddáš lea ožžon dieđu.
Buohcciviesuluohkás dieđihit luotta njalkkasin. Hámmárfeastta suohkan manná sádduid botkkuhit luddii.
Guokte biilla beaškkeheigga oktii Solveienis Hámmárfeasttas. Ii okta ge galgga leat roasmmohuvvan ja politiijat veahkehit vuddjiid doppe.
