-Almmuhus-
OĐĐASATGuovssonásti illuda Girjás čearuin

Guovssonásti illuda Girjás čearuin

-

-

Guovssonásti illuda ovttas Girjás čearuin maŋŋel go vuite dikkis stáda vuostá.

Gaskavahkku mannan vahkku celkui duopmu áššis mas Girjás čearru lei váidán stáda go eai leat ovttaoaivilis gii galgá hálddašit smávvafuođđobivddu čearu guovlluin.

 

Guovssonásti šálloša

Guovssonásti oaidná čearu barggu buorrin olles sámi servodahkii ja boazoealáhussii. Guovssonásti šálloša go Ruoŧa Sámedikki ságadoalli ii oainne man stuora árvu áššis lea sihke sámi servvodahkii ja ealáhussii, mii lea guovddáš vuođđu sámi kultuvrras ja sámi servodagas.

 

Buorre go ovdanbuktet oaiviliid

Marita Stinnerbom ja Lars-Miguel Utsi šállošeaba go sámi servvodaga ovddasteaddjit eai illut Girjás čearuin, muhto lea aŋkke buorre go Sámedikki jođiheapmi nu čielgasit ovdanbuktá sin oaivila nu ahte šaddá čielggasin maid iešguđet bellodagat oaivvildit čearuid ja ealáhusa ektui.

– Guhkit áiggis sávvat mii ahte Girjás-duopmu ja ságastallamat, mat čuvvot duomu maŋŋel, ovddidit sámi rivttiid, sihke ealáhusas ja servvodaga birgejumis, lohkaba Stinnerbom ja Utsi preassadieđáhusas.

-Almmuhus-