Guollebivdu

FeFo árvvoštallá ásahit fas 5-kilomehter rájá olgoriikalaččaide. Áŋgiris guollebivdi, deatnulaš Ellen Kristina Saba, illuda go báikeolbmot besset fas okto bivdit iežaset guollejávrriin.

Leat go oagguntuvrii vuolgime? Loga áššis mo Nofima dutkit ávžžuhit gieđahallat guoli, vuoi lea sihkkarastet buoremus kvalitehta guliin maid gottát.

Kárášjohkalaš Svein Nordsletta lohká luossa lea dehálamos Deanosoahpamuš áššis, eaige sámi vuoigatvuođat gula dán áššái nu mo Ellos Deatnu-joavku čuoččuha.

Sihkkarastin dihte buoret hálddašeami Báhčaveaijohkii, álggaha FeFo geatnegahtton oaggunkoarta ja bivdoraporterema finnmárkulaččaide. Oaggunkoarta lea nuvttá buohkaide geat ásset fylkkas.

Maŋŋebárgga fiškalii Deanu mearrabivdi Sverre Kimo Pedersen ja su mearrabivdoskibir Knut Arne Eriksen stuorra dorski iežaska sáibmii Deanunjálmmis. Pedersen lohká son ii goassige leat goddán ná stuorra dorski.

Nagodit go sihkkarastit báikkálaš guollebivdiid beroštumiid, seammás go lasihit daid buriid váikkuhusaid mat galledeaddji bivdiin leat Finnmárkui, jearrá Finnmárkkuopmodaga FeFo meahccejođiheaddji Einar J. Asbjørnsen kronihkastis.

Finnmárkkuopmodat ja Guovdageainnu suohkan leat dál álggahan prošeavtta, vai boahtte geasi rájes besset vuovdigoahtit oaggunkoarttaid Guovdageainnu etnui

Fefo ja Luonddubearráigeahču iskan čájeha ahte Guovdageaidnu geasuha eanemus guollebivdiid, ja eanas sis leat suopmelaččat.

Ikte loahpahuvvoi Ávvira oaggungilvu ja dás beasat oaidnit geat vuite skeaŋkakoarttaid.

Luossabivdu lea juo bistán badjelaš mánu ja leat juo leamaš veaháš lobihisvuođat dan oktavuođas.

Siiddut