-Almmuhus-
SMÁVVAOĐĐASATGolggot­mánnu lei buollašat go dábá­laččat

Golggot­mánnu lei buollašat go dábá­laččat

-

-

Dán jagi lei golggotmánnu čoaskásut go dábálaččat láve miehtá Norgga.  

​– Čilgehus dasa lea ahte davveguovlluid čoaska áibmu šavai Mátta-Norgii. Vaikko muhtii Østlánddas ja Sørlánddas, de lei golggotmánu loahpas alladeatta dálki miehtá Davviriikkaid, čilge Meteorologalaš instituhta dálkkádatdutki Jostein Mamen preassadieđáhusas.

Olles Norggas lei 1,7 gráda vuollel dábálaš temperatuvrra. Ovddit háve go lei čoaskásut golggotmánnu lei 2009:s. Davvi-Norggas lei temperatuvra 3-4 gráda čoaskásut go dábálaččat. Nordlánddas lei 2002:s čoaskásut golggotmánnu ja Tromssas ja Finnmárkkus lei 2019 velá čoaskásut. Čoaskásut dálki buktá uhcit njuoskkádaga Norgii, lohket Meteorologalaš instituhta dutkit.

Muđui leamaš eanaš Eurohpá riikkain hui liekkas, erenoamážit Šveiccas ja Nederlánddas, beanta geassetemperatuvra. 15 dálkestašuvnnas leamaš 43 buolašolahusa ja 28 dálkestašuvnnas Trøndelágas, Nordlánddas ja Tromssas ja Finnmárkkus eai leamaš ovdal ná vuollegis golggotmánutemperatuvrrat.

Lieggasamos leamaš Landvik (Grimstad) báikkis gos lei 18,5 lieggagráda. Buot buollašamos lei Grotli báikkis gos lei -23,5 gráda. Gaskamearalaš golggotmánu temperatuvra 1991-2020 áigodagas lei -21,0 gráda. Eanemus arvvii Møre ja Romsdal ja Trøndelága fylkkain, ja eará guovlluin Norggas lei 15 proseantta uhcit njuoskkádat go dábálaččat. 

-Almmuhus-