Gulaskuddan TV 2:s čájeha ahte eanaš gielddain lea kapasiteahta iskat buohkaid geat bohtet ruoktot juovllaide, muhto leat dušše moattis geat árvvoštallet čađahit dan.
14 gieldda vihtta fylkkain árvvoštallet dahkat mássaiskama buohkain geat bohtet ruoktot juovllaide, čállá TV2.
Gielddat leat sihke Kragerøs máddin gitta Detnui davvin. Eanaš gielddat leat Davvi-Norggas.
223 gieldda leat vástidan TV 2 gulaskuddama, ja olles 91 proseantta dieđihit ahte sis lea kapasitehta iskat buohkaid geat bohtet. Olusat maid dáhttot mátkkošteddjiid mannat erremii ovdal go bohtet ruoktot.
(©NTB)
