-Almmuhus-
-Almmuhus-
-Almmuhus-
OĐĐASATGeaidno­politiija: – Lea áibbas ádde­meahttun

Geaidno­politiija: – Lea áibbas ádde­meahttun

-

-

Diibmá váidojedje birrasii 10 500 olbmo Norggas go ledje juhkanvuođas vuodján. – Sávan ii oktage vuolgge vuodjit maŋŋá juovlabeavddi dán jagi, lohká dáhkádusa biilaáššedovdi Roger Ytre-Hauge. 

Frende dáhkádusfitnodaga biilaáššedovdi Roger Ytre-Hauge doaivu olbmot eai vuolggášii vuodjit ruoktot maŋŋá go lea fitnan juovlabeavddis, muhto válddášedje taxi dahje bivdet eará skirvehit su ruoktot dahje váldit juhkanolbmos biilačoavdaga. Norggas árvvoštallet ahte birrasii 140 000 olbmo vudjet juhkanvuođas juohke beaivvi. 

– Lea áibbas áddemeahttun ahte máŋga duháha biilavuoddji bidjet sihke iežaset ja earáid heakka pántan juohke beaivvi, lohká Geaidnopolitiija sadjásaš hoavda Roar Skjelbred Larsen.

Gárrenmirkovuodjin lei oassi 23 jápminlihkohisvuođas 2020:s. Lea eambbo go okta njealji lihkohisvuođas mii manai nu funet. Geaidnopolitiija sadjásaš hoavda Roar Skjelbred Larsen lohká politiijaid vuoruhit  gárrenmirkovuodjindárkkistemiid go dat sáhttá eastadit duođalaš johtolatlihkosvuođaid. YouGov iskan Frende forsikring ovddas, čájeha ahte okta golmma olbmos ii dieđe son ii lean čielgan go vuoddjái beaivvi maŋŋá. 

Promillarádjá Norggas lea 0,20,2-0,5 promilla ja sáhttá sáhkkohallat dahje massit vuodjinkoartta 12-18 mánnui dahje guhkit jus lea sorron lihkohisvuhtii. Sáhkku biddjo olbmo tietnasa mielde. Jus oainnát ártegis vuodjima, čuojat politiijai, tlf. 02800. 

-Almmuhus-