Logi jiena vuostá mearridii Fylkadiggi ohcat jorgalahttit Finnmárkku ja Romssa fylkkagielddaid oktiičaskima.
Logi jiena vuostá mearridii Fylkadiggi ohcat jorgalahttit Finnmárkku ja Romssa fylkkagielddaid oktiičaskima.
Fylkadiggečoahkkimis duorastaga meannuduvvui viidásit proseassa go Stuoradiggi lea mearridan oktiičaskit Finnmárkku ja Romssa fylkkagielddaid.
Finnmárkku Fylkadiggi celkkii čoahkkimis ahte jus Romsa ja Finnmárku šaddet oktan regiovdnan, de galgá regiovnna namma leat Finnmárku, ja váldobáiki Čáhcesuolu. Dan dieđiha Finnmárkku fylkkagielda preassadieđáhusas.
Fylkkadikki mearrádusas celko:
«Jus ráđđehus lonuhuvvo maŋŋil stuoradiggeválgga čakčamánu 11. beaivvi 2017, de bivdit Ráđđehusa/Stuoradikki rievdadit mearrádusa oktiičaskit Romssa ja Finnmárkku. Dát čuokkis dohkkehuvvui, logi jiena vuostá»
– Finnmárku galgá namman
Nubbi čuokkis guoská oktiičaskinproseassa joatkimii. Dasa leat Fylkadikkis vihtta gáibádusa, namalassii ahte Finnmárku galgá ođđa regiovnna namma ja ahte váldobáiki galgá Čáhcesullos.
– Galgá oktasaš Fylkadiggi Girkonjárggas maŋŋel golggotmánu dán jagi. Oktasaš lávdegottis galget liikká olu miellahtut goappaš fylkkain. Ovdagoddemodealla ferte leahkit regiovnna politihkalaš stivrenmodeallan, leat Fylkadikki gáibádusat.
Regiovdnafoarbma-proseassa áššái bohte golbma evttohusa, Gurut-, Olgeš- ja Ovddádusbellodagas, ja dat mii oaččui eanetlogu, Bargiidbellodagas, Sosialisttalaš Gurutbellodagas, Guovddášbellodagas, Birasbellodagas ja ovtta sorjjasmeahttun áirasis.
