Finnsnes leansmánnekantuvra leat dutkame vejolaš goddima, maŋŋel go 80-jahkásaš nisu gávdnui jápmán Leaŋgaviikkas, Romssas.
Finnsnes leansmánnekantuvra leat dutkame vejolaš goddima, maŋŋel go 80-jahkásaš nisu gávdnui jápmán Leaŋgaviikkas, Romssas.
Politiijat leat váldán gitta su gean balahit goddán nissona. Mánnodaga maŋŋelgaskabeaivvi válde politiijat olbmo gitta, go ledje ožžon dieđu ahte nihtii olbmuid niibbiin.
Go politiijat bohte báikái, de lei olmmoš guođđán báikki, ja politiijat ohcagohte su.
Maŋŋel gávdnui jápmán nisu seamma báikkis, muhto eará viesus. Dan báikkis gávdne maid su gean ledje ohcame.
Dán dieđiha Romssa politiijaguovlu preassadieđáhusas.
Gávdnan duođaštusaid
Báikkis leat gávdnan duođaštusaid mat dagahit ahte politiijat jáhkket goddima dáhpáhuvvan. Leat maid gávdnan duođaštusaid mat čatnet dan balahuvvon vearedahkki báikái.
Lea ain árrat dutkamis, ja politiijat eai sáhte eambbo dieđuid addit.
