-Almmuhus-
-Almmuhus-
-Almmuhus-
OĐĐASATFinnmárku addan eanemus TV-ákšuvdnii dán rádjai

Finnmárku addan eanemus TV-ákšuvdnii dán rádjai

-

-

Dán jagáš TV-akšuvdna šaddá gelddolaš, ja Finnmárku sáhttá oažžut issoras buriid bohtosiid jus geahččá mobiliserema dán rádjai. Ákŋoluokta suohkan lea njunnošis, ja Kárášjohka ges Sis-Finnmárkku gielddain.

Hui ollu gielddat dieđihit dál ahte áigot riŋgedit TV-ákšuvnna ovddas, ja gielddaid gaskkas Finnmárkkus leat juo ruđat boahtigoahtán sisa. Ákŋoluokta lea nu movt dábálaččat njunnošis, muhto dat gii dán jagi orro hirpmahuhttime lea Kárášjoga gielda.

 

Addán juo 13.000 ruvnno

Kárášjohka lea njunnošis sis-Finnmárkku gielddain, ja sátnejođiheaddji Svein Atle Somby lea bures jođus ealáhusstafeahtain go fitnodagat leat juo addán 13.000 ruvnno TV-ákšuvdnii, muhto son ii leat vel áiggisge geargan.

– Lea hui mávssolaš munnje go mii ovttas beassat čájehit Kárášjoga ja makkár ealáhusgielda mii duođai leat. Lean hirpmahuvvon ja giitevaš go fitnodagat Kárášjogas čuožžilit nu movt dahket Rukses Ruossa ja TV-ákšuvnna ovddas, lohká Somby.

 

Plána doalahit saji

Porsáŋggus áigu ges sátnejođiheaddji Aina Borch doalahit diimmáš nuppi saji gielddaid gaskas Finnmárkus, ja áigu riŋgegoahtit gieldda fitnodagaide vahkoloahpa maŋŋel.

(Ášši joatká gova vuolábealde)


Porsáŋggu sátnejođiheaddji Aina Borch.

 

Sáhttá bajimussii

TV-ákšuvnna fylkkajođiheaddji Eskild Johansen lohká dál juo oaidnit ahte Finnmárku boahtá dahkat bures dán jagi, ja diehtá ahte Álttás, Hammerfeastas, Čáhcesullos ja Mátta-Várjjagis galget álbmogassii riŋget ealáhusaide.

 – Dat boahtá dovdot bohtosiin ja dat mii dál lea ođas ahte Sis-Finnmárkkus maid ealáhusat mobiliserejit. Mun jáhkán Finnmárku sáhte boahtit bajimussii dán jagi, lohká Johansen.

 


Das oainnát galle ruvnno gielddat leat addán TV-ákšuvdnii juohke ássi nammii dán rádjai. Kárášjohka lea addan vuollelaš 12,5 ruvnna, Deatnu lea addán 5 ruvnno, Porsáŋgu lea addán 2,5 ruvnno  ja Guovdageaidnu lea addán vuollelaš 2,5 ruvnno.

 

Rukses Ruossa nanus davvin

Johansen jáhkka Finnmárku doalaha ovdáneami, ja ovdal go gávpogat leat čađahan riŋgedemiid ealáhusaide, de lea Finnmárku arvat ovdalis eará fylkkaid, ovdabeale Rogalándda ja Nordlándda.

– Jáhkkan Nordlánda, Romsa ja erenoamážit Finnmárku dahket bures dán jagi. Rukses Ruossa lea nannosit sajáiduvvon riikaoasis, seammás go lea Davvi-Norggas gos ovdáneapmi dál geavvá. Dat boahtá speadjalastit TV-ákšuvnnas maid, lohká Johansen loahpas.

 

 

Buot gávpogat Nordlánddas,Romssas ja Finnmárkkus galget dán jagi čađahit riŋgenstafeahta, ja fitnodagat mat áigot oassálastet sáhttet dál juo registreret iežaset skeaŋka dán siiddus.

 

 

-Almmuhus-