Finnmárkkuopmodat Fefo

Inger Eline Eriksen Fjellgren (Árja) gáibida direktevrra luohpat maŋŋel go Nussir ASA ohcamuš oažžut konsešuvnna Riehpovutnii meannuduvvui. Son oaivvilda son rasttildan fápmudusaidis. Lea go son duođaid dahkan dan?

Smávvafuođđobivdit Finnmárkkus leat goddán oktiibuot 6 336 rievssaha dan rájes go bivdu álggii čakčamánu 10. beaivvi. Dat lea unnit go okta njealjádasoassi 2016 loguid ektui.

FeFo árvvoštallá ásahit fas 5-kilomehter rájá olgoriikalaččaide. Áŋgiris guollebivdi, deatnulaš Ellen Kristina Saba, illuda go báikeolbmot besset fas okto bivdit iežaset guollejávrriin.

Sirpmá gilisearvi lei diibmá dáhtton FeFo árvvoš­tallat 5-kilomehterávadaga go sin mielas dat ­doaimmai bures go lei fámus. Dál lea gilisearvvi jođiheaddji ilus go FeFo stivra áigu árvvoštallat ášši stivračoahkkimis.

Finnmárkkuopmodaga stivra háliida ođđasit árvvoštallat 5-kilometerávadagas ođđasit álggaheami FeFo-eatnamiin.

Ovttajienalaš stivra lea fállan Jan Ollii ođđa áigodaga mearreáigevirggis Finnmárkkuopmodaga direktevran.

Vuossárgga álggii ealgabivu miehtá Finnmárkku, ja Finnmárkkuopmodat čállá Facebookas ahte ollugat leat bivddus dál mehciin ja dat sáhttá dagahit hástalusaid.

Ođđaválljejuvvon stuoradiggeáirras, Ovddádusbellodaga Bengt Rune Strifeldt, háliidivččii rievdadit Finnmárkolága ja eará lágaid mat goazadit prošeaktaálggahemiid. Son oaivvilda dan goazadeapmin go Nussir ASA doaibmalohpeohcan loktejuvvui Sámediggái.

Bivdobearráigeahččit ledje helikopteris.

Mannan vahkkoloahpa dárkkistedje politiijat rievssatbivdiid, golmmas váidojedje.

Siiddut