Lávvardaga borgemánu 27. beaivvi almmuha Duolva Duottar ođđa siŋgela man namma lea «Álggu loahppa», digitála kanálain miehtá máilmmi.
Lávvardaga borgemánu 27. beaivvi almmuha Duolva Duottar ođđa siŋgela man namma lea «Álggu loahppa», digitála kanálain miehtá máilmmi.
Duolva Duottar almmuha ođđa siŋgela ja ávvuda dan konsearttain Guovdageainnus, Thon Hoteallas Sami Pride oktavuođas boahtte lávvardaga. «Álggu loahppa» lea rahpanlávlla dan ođđa albumas. Sii lea viežžan inspirašuvnna eará šáŋŋeriin gos ieš dat teaksta dásseda gaskal bastilis bilkideami ja duohtavuođa. Dasa lassin besset vel guldaleaddjit gullat njeallje eará lávlaga dan ođđa albumas.
Joavku lea dasa illudan hirbmosit ja lea dieđusge máilmmi čeavlái go dán besset almmuhit Guovdageainnus.
– Mii hirbmosit illudat ja leat čeavlát dainna ođđa albumain, dieđiha Duolva Duottar preassadieđáhusas.
Duolva Duottar lea Norgga-Sámi rap-joavku mii lea dovddus miehtá Davvikalohta iežaset alvvalaš lávdeloaiddastemiin. Joavku álggahuvvui 2008:s ja leat bargan garrasit oažžut lávlagiidda iežaset dovdomearkka. Sii lávlot ja ovddidit sámi musihka juigosa bokte. Joavku almmuhii vuosttaš albuma 2012:s lávlagiin «Finnmark», mii lea guldaleddjiid favorihttalávlla ain dál ge. Boahtte jagi lea Duolva Duottar vuot gearggus almmuhit albuma «Tundra Sound». Joavku áigu ain máŋga siŋgela almmuhit ovdal go almmuha olles albuma.
