-Almmuhus-
-Almmuhus-
-Almmuhus-
OĐĐASATDavvi­guovlu­guovddáš oažžu 14,5 miljovnna

Davvi­guovlu­guovddáš oažžu 14,5 miljovnna

-

-

Ovdalaš juovllaid oaččui Davviguovloguovddáš Davvi universitehta gávpeallaskuvllas golbma ođđa prošeavtta. Okta dain galgá kártet maid máttaolbmot dihtet min birra. 

– Dát golbma prošeavtta leat áibbas iešguđetláganat, ja fáhtehallet máŋgga láhkai hástalusaide mat mis leat Davvi-Norggas, dadjá Davviguovloguovddáža direktevra, professor Frode Mellemvik.

Kiinná beroštumit davviguovlluide

Norgga dutkanráđi bokte oaččui guovddáš ovcci miljovnna dutkamii čadnon Kiinná davviguovlluid beroštupmái.

Business Index North – ovdáneapmi Davvi-Norggas

Masá oktanaga oaččui guovddáš lagabui vihtta miljovnna Arktisk 2030 Regionalt ovdánahttit guorahallanreaiddu «Business Index North» nu ahte dat maid sáhttá šaddat dehálaš máhttovuođđu ja reaidu strategalaš ovttasdoaibmanprošeakta Davvi Norggas.

Maid dihtet máttaolbmot davviguovlluid birra?

Arktisk 2030 Regionaltas oaččui Davviguovloguovddáš ovdaprošeavtta mas galget kártet makkár máhttu 20–40-jahkásaš nuorain, geat orrot Trøndelágas ja máttás, lea Davvi-Norgga oahppo- ja bargovejolašvuođaid birra.

– Stuorámus hástalus Davvi-Norggas lea ahte mis leat unnán olbmot, dadjá Mellemvik.

-Almmuhus-